முதலில் கேரமல் சாஸ் செய்வதற்கு கால் கப் சர்க்கரையை பாத்திரத்தில் சேர்த்து குறைவான தீயில் சர்க்கரை நன்றாக கரைந்து பொன்னிறமாகும் வரை கிளறிவிடவும். (தீ அதிகமாக இருந்தால் சர்க்கரை கட்டிப் பிடித்து விடும்)

பிறகு மற்றொரு பாத்திரத்தில் இரண்டு முட்டை,கால் கப் சர்க்கரை சேர்த்து நன்றாக நுரை வரும் வரை கலந்து கொள்ளவும்.

கலந்த கலவையுடன் வெண்ணிலா எசன்ஸ், பால் சேர்த்து கலக்கவும்.

கலவையை வடிகட்டியை வைத்து வடித்து கேரமல் சாஸ் ஊற்றி வைத்துள்ள பாத்திரத்திற்கு மாற்றவும்.

பிறகு அதை அலுமினியம் பேப்பர் வைத்து மூடவும் அல்லது மூடி போட்ட பாத்திரமாக இருந்தால் மூடியை போட்டு மூடிக் கொள்ளவும். இட்லி பாத்திரத்தில் வைத்து பாத்திரத்தை தொடும் அளவிற்கு தண்ணீர் ஊற்றி 30 நிமிடங்கள் நீராவியில் வேகவைக்கவும்.

நன்றாக ஆறவிட்டு குளிர்சாதன பெட்டியில் இரண்டு மணி நேரம் வைக்கவும். இறுகி வருவதற்காக.

மேல் தட்டை வைத்து கவிழ்த்து பாத்திரத்தை எடுத்தால் கேரமல் சொட்ட சொட்ட வாயில் வைத்ததும் கரையும் புடிங் தயார்.