2காய்ந்த பட்டாணியை கழுவி 4 மணி நேரம் ஊறவைத்து, குக்கரில் சேர்த்து 2 விசில் வேகவிடவும். வெந்தவுடன் தண்ணீரை வடித்து விடவும்.1 சிறிய கட்டு கொத்தமல்லி தழை எடுத்து வைக்கவும்.

1 டீஸ்பூன் கசகசா, 1 துண்டு பட்டை, 2 கிராம்பு,1 டீஸ்பூன் இஞ்சி, 3 பல் பூண்டு, 1 டீஸ்பூன் சோம்பு, 3 டீஸ்பூன் துருவிய தேங்காய் எடுத்து வைக்கவும்.1 பெரிய வெங்காயம் பொடியாக நறுக்கி வைக்கவும்.

2 தக்காளியை பொடியாக நறுக்கி வைக்கவும். கடாயில் 2 டீஸ்பூன் ஆயில் விட்டு கசகசா, பட்டை இஞ்சி, பூண்டு, கிராம்பு சோம்பு, தேங்காய் துருவல் பச்சைமிளகாய், வர மிளகாய் சேர்த்து வதக்கி கொத்தமல்லித் தழையையும் சேர்த்து நன்கு வதக்கவும்.

வதக்கியவற்றை ஆறவிட்டு மிக்ஸியில் சேர்த்து நைசாக அரைத்து விடவும். கடாயில் 2 டீஸ்பூன் நெய் விட்டு,1/2 டீஸ்பூன் சீரகம் கறிவேப்பிலை தாளித்து,

நறுக்கிய வெங்காயம் தக்காளியை சேர்த்து நன்கு வதக்கி குக்கரில் வெந்த பட்டாணியுடன் சேர்த்து விடவும். உப்பு சேர்த்து அரைத்த விழுதையும் சேர்த்து நன்கு கலக்கி விட்டு இரண்டு விசில் வேகவிடவும்.

1 கப் கோதுமை மாவு, உப்பு சேர்த்து தண்ணீர் விட்டு பிசைந்து, ஆயில் 2 டீஸ்பூன் விட்டு 20 நிமிடம் மூடி வைக்கவும். பிறகு சப்பாத்தி கல்லில் தேய்த்து வைக்கவும்.

தோசை கல்லில் சப்பாத்திகளை ஆயில் விட்டு பொன்னிறமாக சுட்டு எடுக்கவும்.

சப்பாத்தி ரெடி. சுவையான பட்டாணி கொத்தமல்லி குருமா ரெடி.😋😋