தேவையான பொருட்களை எடுத்துக் கொள்ளவும்.

100 கிராம் கடலைப்பருப்பை நன்கு கழுவிட்டு ஒரு பாத்திரத்தில் போட்டு 3 கப் தண்ணீர் ஊற்றி ஒரு மணி நேரம் ஊற வைக்கவும்.

ஊறவைத்த கடலைப்பருப்பை தண்ணீர் நன்கு வடியவிட்டு ஒரு மிக்ஸி ஜாரில் போட்டு 1/2 ஸ்பூன் சோம்பு,1 ஸ்பூன் மிளகாய்த்தூள்,1/4 ஸ்பூன் உப்பு போட்டு தண்ணீர் தெளித்து கொரகொரப்பாக அரைக்கவும்.

அடுப்பில் ஒரு கடாயை வைத்து பொறிக்க தேவையான அளவு எண்ணெய் ஊற்றி எண்ணெய் சூடானதும் அரைத்து வைத்த கடலைப்பருப்பு மாவை சிறு சிறு உருண்டைகளாக உருட்டி எண்ணெயில் போட்டு பொன்னிறமாக பொரித்தெடுக்கவும்.

பொரித்த வடைகளை கைகளால் சிறிது சிறிதாக உதிர்த்து வைத்துக் கொள்ளவும்.ஒரு மிக்ஸி ஜாரில் 5 ஸ்பூன் தேங்காய் துருவலை போட்டு 1/2 டம்ளர் தண்ணீர் ஊற்றி நைஸாக அரைக்கவும்.

அடுப்பில் ஒரு கடாயை வைத்து 2 ஸ்பூன் எண்ணெய் ஊற்றி எண்ணெய் சூடானதும் பட்டை,கிராம்பு, ஏலக்காய், கடுகு, சோம்பு போட்டு தாளிக்கவும். பிறகு பொடியாக நறுக்கிய வெங்காயம், கறிவேப்பிலை போட்டு வதக்கவும்.

வெங்காயம் நன்கு வதங்கியதும் பொடியாக நறுக்கிய தக்காளியை போட்டு வதக்கவும்.பிறகு 1 ஸ்பூன் இஞ்சி பூண்டு விழுதை போட்டு பச்சை வாசனை போகும் வரை வதக்கவும்.

பிறகு மிளகாய்த்தூள், மல்லித்தூள், மஞ்சள்தூள், 1/4 ஸ்பூன் உப்பு போட்டு 1 நிமிடம் வதக்கவும். பிறகு 1 டம்ளர் தண்ணீர் ஊற்றி கொதிக்க விடவும்.

கொதி வந்தவுடன் எண்ணெயில் பொரித்து வைத்திருக்கும் வடைகளை அதில் போட்டு 1 நிமிடம் கிளறவும்.பிறகு அரைத்து வைத்திருக்கும் தேங்காய் விழுதை அதில் ஊற்றி 1 டம்ளர் தண்ணீர் ஊற்றி 2 நிமிடம் கொதிக்க விடவும்.

கிரேவி பதத்திற்கு வந்தவுடன் கொத்தமல்லித்தழை தூவி ஒரு கிளறு கிளறி பரிமாறவும்.