முதலில் வறுத்து அரைப்பதற்க்கு தேவையானவற்றை எடுத்து கொள்ளவும். ஒரு வாணலியில் எண்ணெய் விட்டு (கத்திரிக்காய்யின் அடிபாகத்தில் கத்தியால் × போட்டு கீறல் போடவும்). கத்திரிக்காயை எண்ணெய்யில் பொரித்து எடுக்கவும்.

அதே எண்ணெய்யில் கா.மிளகாய்,வெங்காயம், சோம்பு, சீரகம், தனியாத்தூள், கறிவேப்பிலை, தேங்காய் துருவல் சேர்த்து வதக்கவும்.

வதக்கியதை ஆறவிட்டு தண்ணீர் விட்டு அரைத்து கொள்ளவும். புளியை தனியாக ஊறவைத்து கொள்ளவும்.

ஒரு வாணலியில் நல்ல எண்ணெய் விட்டு,பச்சை மிளகாய், நறுக்கிய வெங்காயம் சேர்த்து வதக்கவும். பின் தக்காளி சேர்த்து உப்பு, மஞ்சள் தூள் போட்டு கலந்து வதக்கவும்.

பின் அரைத்த விழுதை சேர்த்து வதக்கவும். மிளகாய் தூள் சேர்த்து, புளி கரைசல் சேர்த்து நன்கு கொதிக்க விடவும்.

புளி கரைசல் ஊற்றி, தேவையான அளவு தண்ணீர் விட்டு உப்பு சேர்த்து கொதிக்க விடவும்.

கொதித்த பின் வறுத்த கத்திரிக்காயை சேர்த்து கொதிக்க விடவும்.

நன்கு சுண்டியவுடன், வேறொரு பாத்திரத்தில் மாற்றி பரிமாறவும்.