முதலில் சிக்கனை ஊறவைக்கவேண்டும். அதற்க்கு ஒரு கிண்ணத்தில் எலும்பில்லாத சிக்கன் துண்டுகள், இஞ்சி பூண்டு விழுது, கெட்டி தயிர், எலுமிச்சை சாறு, மிளகாய் தூள், கரம் மசாலா தூள், காஷ்மீரி மிளகாய் தூள்,தனியா தூள், சீரகத்தூள் தேவையான அளவு உப்பு சேர்த்து நன்கு கலக்கி முப்பது நிமிடம் ஊற வைக்கவும். அடுத்து ஒரு கடாயில் எண்ணெய் சேர்த்து அதனுடன் மசாலாவில் ஊறிய சிக்கனை வேகவைத்துக்கொள்ளவும்.

ஒரு கடாயில் எண்ணெய், பொடியாக நறுக்கிய பெரிய வெங்காயம்,பச்சை மிளகாய் சேர்த்து நிறம் மாறும் வரை வதக்கவும். வெங்காயம் பொன்னிறமானவுடன் இஞ்சி பூண்டு விழுது, அரைத்த தக்காளி விழுது சேர்க்கவும். பச்சை வாசம் போனபிறகு மசாலாவை சேர்க்கவும். கரம் மசாலா,மஞ்சத்தூள்,காஷ்மீரி மிளகாய்,சீரகத்தூள், தனியா தூள், மற்றும் தேவையான அளவு உப்பு நன்கு வதக்கிக்கொள்ளவும்.

வறுத்து வைத்த சிக்கனை சேர்க்கவும். தேவையான அளவு தண்ணீர் சேர்த்து நன்கு வதக்கிக்கொள்ளவும். அடுத்தது பத்து முந்திரி பருப்பு சேர்த்து மிக்ஸியில் தண்ணீர் ஊற்றி அரைத்துக் கொள்ளவும். கொதித்த பிறகு முந்திரிபருப்பு பேஸ்டை சேர்க்கவும். பிரெஷ் கிரீம் மற்றும் கஸூரி மெத்தி சேர்த்து பாத்திரத்தை மூடிய நிலையில் பத்து நிமிடத்திற்கு சமைக்கவும்.
பத்து நிமிடத்திற்கு பிறகு கொத்தமல்லி இலை மற்றும் வெண்ணெய் சேர்த்து பரிமாறவும்.