பாத்திரத்தில் தண்ணீர்‚தேங்காய் எண்ணெய் மற்றும் உப்பு சேர்த்து நன்கு கொதிக்க வைக்கவும்.

கொஞ்சம் கொஞ்சமாக அரிசி மாவை சேர்த்து கைவிடாமல் மற்றும் கட்டிகள் இல்லாமல் கிளறவும். அடுப்பை அணைத்து இதை 10 நிமிடம் மூடி போட்டு மூடி வைக்கவும். வெதுவெதுப்பாக இருக்கும் பொழுதே தட்டில் சேர்த்து உருட்டி எடுக்கவும். கட்டிகள் இல்லாமல் சாஃப்டாக பிசையவும்.

சின்ன சின்ன உருண்டைகளாக பிடித்து மெல்லிசாக தேய்க்கவும். நான் சப்பாத்தி மேக்கரில் செய்கிறேன். சப்பாத்தி மேக்கர் இல்லை என்றால் சாதாரண சப்பாத்தி கட்டையில் கூட செய்யலாம். நான் ஒட்டாமல் வருவதற்காக கீழே பிளாஸ்டிக் ஷீட் வைத்துள்ளேன். மெல்லிசாக தேய்த்தபின் மிதமான தீயில் இருக்கும் தவாவில் சுடவும்.

சப்பாத்தி போல் செய்யாமல் உப்பி வந்தவுடன் இன்னொரு பக்கம் திருப்பி போட்டு வேக வைத்து உடனே எடுக்கவும். சுட சுட மலபார் ஸ்பெஷல் அரிசி பத்திரி தயார். நான் இதை வெஜ் குருமா உடன் பரிமாறி உள்ளேன். வெஜ் குருமா ரெசிபி நான் ஏற்கனவே பகிர்ந்துள்ளேன் தேவைப்பட்டால் பார்த்துக் கொள்ளுங்கள்.