1/4 கிலோ பட்டர் பீன்ஸ்,உளித்து எடுத்து வைக்கவும். பட்டர் பீன்ஸை கழுவி குக்கரில் 2 கப் தண்ணீர் சேர்த்து இரண்டு விசில் வேகவிடவும்.

வெந்தவுடன் தண்ணீரை வடித்து, வெந்த பட்டர் பீன்ஸ் எடுத்து வைக்கவும்.1/4 கப் துவரம்பருப்பை குக்கரில் சேர்த்து வேக வைக்கவும்.

1 எலுமிச்சை அளவு புளியை கழுவி தண்ணீரில் ஊற விடவும். வறுத்து அரைப்பதற்கு 1 டேபிள் ஸ்பூன் கடலை பருப்பு, 2 டேபிள் ஸ்பூன் தேங்காய் துருவல், 1 டீஸ்பூன் சீரகம், 1 டீஸ்பூன் மிளகு, 2 டீ ஸ்பூன் தனியா, 1/4 டீஸ்பூன் வெந்தயம், 5 வர மிளகாய் எடுத்து வைக்கவும். கடாயில் 2 டீஸ்பூன் ஆயில் விட்டு பொன்னிறமாக வறுத்து மிக்ஸியில் சேர்த்து ஆறவிடவும்.

ஆறவிட்டதை மிக்ஸியில் சிறிது தண்ணீர் சேர்த்து நைஸாக அரைத்து விடவும்.15 சின்ன வெங்காயம், 2 தக்காளி தோல் நீக்கி கழுவி பொடியாக நறுக்கி வைக்கவும். கடாயில் 2 டீஸ்பூன் ஆயில் விட்டு, 1 டீஸ்பூன் கடுகு,1 வரமிளகாய் கிள்ளியது, சிறிதளவு கறிவேப்பிலை தாளித்து விடவும்.

அதனுடன் நறுக்கிய வெங்காயம், தக்காளி சேர்த்து நன்கு வதக்கி, வெந்த துவரம்பருப்பில் அரைத்த விழுதையும், வதக்கியதும் சேர்த்து விடவும்.

ஒரு கொதி வந்தவுடன், வெந்த பட்டர் பீன்ஸ், உப்பு சேர்த்து விடவும். புளியை கரைத்து புளி தண்ணீரை ஊற்றி விடவும்.

குக்கரில் ஒரு விசில் வேகவிடவும். வெந்தவுடன் ஒரு கிண்ணத்தில் மாற்றி வைத்து கொத்தமல்லி தழை தூவி எடுத்து வைக்கவும். சுவையான பட்டர் பீன்ஸ் குழம்பு ரெடி.😋😋 சூடான சாதத்துடன் சாப்பிட ஜோராக இருக்கும்.

அப்பளம், வடகம் பொரித்து வைத்து சாப்பிட மேலும் சுவையாக இருக்கும்.