முதலில் பேபிகார்னை நன்றாக கொதிக்கும் தண்ணீரில் போட்டு அடுப்பை அணைத்து மூடி 5 நிமிடம் வைக்கவும்.. பின்னர் தண்ணீரை வடித்து விட்டு சிறிய துண்டுகளாக வெட்டிக் கொள்ளவும்

ஒரு பாத்திரத்தில் மைதா மாவு, கார்ன் ஃப்ளார் மாவு, மிளகாய்த்தூள், கரம் மசாலாத்தூள், இஞ்சி பூண்டு விழுது, உப்பு சேர்த்து நன்றாக பஜ்ஜி மாவு பதத்திற்கு கரைத்துக் கொள்ளவும்.. அதில் நறுக்கி வைத்த பேபி கார்னை சேர்த்து கலந்து கொள்ளவும்

அதை சூடான எண்ணெயில் பொன்னிறமாக பொரித்தெடுக்கவும்

ஒரு கடாயில் சிறிது எண்ணெய் ஊற்றி அதில் நறுக்கிய இஞ்சி பூண்டு பச்சை மிளகாய் சேர்த்து சிறிது நேரம் வதக்கவும்.. அதில் பெரியதாக நறுக்கிய வெங்காயம் குடை மிளகாய் சேர்த்து லேசாக வதக்கவும்

எல்லாம் வதங்கியதும் அதனுடன் எல்லா சாஸ்ம் சேர்க்கவும்.. அத்துடன் சிறிது தண்ணீர் சேர்த்து கொதிக்கவிடவும்.. அதனுடன் உப்பையும் சேர்த்து கலந்து கொள்ளவும்.. ஒரு ஸ்பூன் கார்ன் ஃபிளாரை எடுத்து சிறிது தண்ணீர் ஊற்றி நன்றாக கரைத்து கொதிக்கும் தண்ணீரில் ஊற்றவும்...

சிறிது கெட்டியாக ஆரம்பித்தவுடன் அதில் வெங்காயத் தாளையும் பொரித்து வைத்த பேபி கார்னையும் சேர்க்கவும்

இப்போது சூடான சுவையான பேபி கார்ன் மஞ்சூரியன் தயார்..