மீனை நன்றாக கழுவி சுத்தம் செய்து கொள்ளவும்.

தேங்காய்,சீரகம் மற்றும் வெங்காயம் சேர்த்து மையாக அரைக்கவும்.

இஞ்சி மற்றும் சீரகம் தட்டி வைத்துக் கொள்ள வேண்டும்.

முதலில் குழம்பு கூட்ட வேண்டும்.

அதற்கு,ஒரு மண்சட்டியில்,தேங்காய் அரைத்த விழுது,புளிக்கரைசல், குழம்பு மிளகாய் தூள் மற்றும் குழம்பு எவ்வளவு வேண்டுமோ அதே போல்,இன்னோரு மடங்கு தண்ணீர் சேர்த்து கலந்து நன்றாக கொதிக்க விடவும்.

குழம்பு ஸ்டவ்வில் வைக்கும் போதே 5 மீன் துண்டுகளை போட்டு கொதிக்க விட்டால்,அவை கரைந்து குழம்பிற்கு நல்ல சுவை கொடுக்கும். விரும்பினால் சேர்க்கலாம்.

குழம்பு கொதித்ததும்,நறுக்கிய தக்காளி,மிளகாய், வெந்தயம் மற்றும் உப்பு சேர்க்கவும்.

15 நிமிடங்கள் நன்றாக கொதிக்க விட்டு பின்,மீன் துண்டுகளை சேர்க்க வேண்டும்.

மீன் நன்றாக வெந்ததும்,குழம்பும் கொதித்து சுண்டி வந்திருக்கும். பின் இடித்து வைத்த பூண்டு சீரகம் சேர்க்க வேண்டும்.உப்பு சரி பார்க்கவும்.

இப்பொழுது 5 நிமிடங்கள் கொதிக்க விட்டு இறக்கவும்.உடனே கறிவேப்பிலை நறுக்கி சேர்க்கவும்.

குழம்பு கூட்டி செய்த இந்த மீன் குழம்பிற்கு தாளித்து கொட்டுவது வழக்கம் இல்லை.
விரும்பினால் தாளித்துக் கொள்ளலாம்.