கடாயில் எண்ணெய் ஊற்றி காய்ந்ததும் சோம்பு கறிவேப்பிலை தாளிக்கவும்... சோம்பு பொரிந்ததும் அதில் வெங்காயத்தைப் போட்டு நன்றாக வதக்கவும்

வெங்காயம் வதங்கியதும் அதில் இஞ்சி பூண்டு சேர்த்து வதக்கி அத்துடன் தக்காளியையும் சேர்த்து நன்றாக வதக்கவும்

எல்லாம் சேர்ந்து நன்றாக வதங்கியதும் எண்ணெய் பிரிந்து வரும்... அப்போது அதில் மிளகாய்த்தூள் சிக்கன் மசாலா தூள் சேர்த்து நன்றாக வதக்கவும்

எல்லாம் பச்சை வாசனை போனதும் அதில் தேவையான அளவு தண்ணீர் ஊற்றி உப்பும் சேர்த்து கொதிக்க விடவும்

நன்றாக கொதித்து கெட்டியாக பதத்திற்கு வந்ததும் முட்டையை சேர்த்து 2 நிமிடங்கள் கொதிக்க விடவும்

இறுதியாக கெட்டியான பதத்திற்கு வந்ததும் மிளகுத்தூள் தூவி இறக்கவும்

இந்த குழம்பு பிரியாணிக்கும் நன்றாக இருக்கும்... வெள்ளை சாதத்தில் போட்டுப் பிசைந்து சாப்பிடவும் அருமையாக இருக்கும்... இப்போது சூடான காரசாரமான முட்டை குழம்பு தயார்