நாட்டுக்கோழிக் குழம்பு(nattukoli kulambu recipe in tamil)

வாணலியை அடுப்பில் வைத்து அதில் சீரகம், மிளகு, தனியா, சோம்பு, கசகசா, பட்டை, இலவங்கம், வரமிளகாய் அனைத்தையும் ஒன்றாக சேர்த்து நன்கு வறுக்கவும். பின் ஆறவிட்டு நைசாக பொடி செய்து வைக்கவும்.

வாணலியில் நெய் ஊற்றி காய்ந்ததும் சின்ன வெங்காயம், இஞ்சி, பூண்டு, கறிவேப்பிலை சேர்த்து நன்கு வதக்கவும். இதில் தேங்காய் துருவல், பொட்டுக்கடலை சேர்த்து வதக்கவும். இதனுடன் பொடி செய்த மசாலா தூளை சேர்த்து நைசாக அரைக்கவும்.

வாணலியில் எண்ணெய் ஊற்றி காய்ந்ததும் கடுகு, உளுத்தம்பருப்பு தாளித்து வெங்காயம் சேர்த்து நன்கு வதக்கவும். இதில் சிக்கனை சேர்த்து நன்கு வதக்கவும். இதில் உப்பு, மஞ்சள் தூள் சேர்த்து 2 நிமிடம் நன்கு வதக்கவும். பின் சிக்கன் சற்று முழுகும் அளவு தண்ணீர் ஊற்றி மூடி வைத்து குறைந்த தீயில் 30 நிமிடங்கள் அல்லது குக்கரில் 2 அல்லது 3 விசில் விட்டு இறக்கவும். சிக்கனின் தன்மையைப் பொருத்து வேகும் நேரம் மாறுபடும்.

சிக்கன் முக்கால் பதம் வெந்ததும் அரைத்த விழுதை சேர்த்து கொதிக்கவிடவும். நன்றாக வெந்ததும் இறக்கி கறிவேப்பிலை, கொத்தமல்லித்தழை தூவி பரிமாறவும்.