தேவையான பொருட்களை எடுத்து வைத்துக் கொள்ளவும். பூசணிக்காய்களை சிறிய துண்டுகளாக நறுக்கி வைத்துக்கொள்ளவும்

புளியை ஊறவைத்து கரைத்து வைத்துக்கொள்ளவும்.ஒரு கடாயில் சிறிது எண்ணெய் விட்டு துவரம்பருப்பு அரிசி வெந்தயம் இவற்றை இலேசாக வறுத்து பிறகு மிளகாய் வற்றல் சேர்த்து நன்கு வறுத்து கடைசியாக தேங்காய் துருவல் சேர்த்து ஆறவைக்கவும்.

ஒரு மண் சட்டியில் கொஞ்சம் தண்ணீர் விட்டு பூசணிக்காய் துண்டுகளை மஞ்சள் பொடி சேர்த்து வேக வைக்கவும்.சிறிது வெந்தவுடன் புளிக்கரைசல் விட்டு மேலும் கொதிக்கவிடவும்.

வறுத்து ஆற வைத்த சாமான்களை ஒரு சிறிய மிக்ஸி ஜாரில் போட்டு நன்கு அரைத்துக் கொள்ளவும். அரைத்த விழுதை வெந்த பூசணிக்காய் குழம்பில் சேர்த்து கொதிக்க வைக்கவும்.

பச்சை வாசனை போய் குழம்பு நன்கு கொதித்து வாசனையாக இருக்கும். ஒரு சிறிய கடாயில் கடுகு கருவேப்பிலை தாளித்து கொட்டவும்.