கொண்டைக்கடலையை எட்டு மணி நேரம் வரை ஊறவிடவும் பின் கழுவி தண்ணீரை வடிகட்டி குக்கரில் போடவும்

பின் ஒரு துணியில் டீத்தூள் முடி போட்டு கடலையுடன் சேர்க்கவும்

பின் பிரியாணி இலை பட்டை கிராம்பு ஏலக்காய் சேர்த்து தேவையான அளவு உப்பு சேர்த்து தண்ணீர் ஊற்றி குக்கரை மூடி 6 விசில் வந்ததும் இறக்கவும்

சுண்டல் நன்கு மாவாக மசிய வேண்டும்

வெங்காயம் தக்காளி ஆகியவற்றை அரைக்க கூடாது தனித்தனியாக துருவி கொள்ளவும்

சென்னா மசாலா தூள் நான் வீட்டிலே ரெடி செய்திருக்கிறேன் இதை தனி பதிவாக போடுகிறேன் நீங்க கடையில வாங்கறது என்றாலும் வாங்கலாம்

சுண்டல் ப்ரஷர் அடங்கியதும் திறந்து கொள்ளவும்

தண்ணீர் தனியாக சுண்டல் தனியாக வடிகட்டி கொள்ளவும் டீத்தூள் மணத்துடன் மிகவும் நன்றாக இருக்கும்

பின் வாணலியில் எண்ணெய் விட்டு சூடாக்கவும்

வெங்காயத்தை முட்டை ஆம்லேட் க்கு கட் செய்வது போல் அதவிட மிகவும் மெல்லியதாக துருவ வேண்டும் அரைக்க கூடாது

எண்ணெய் சூடானதும் கடுகு சீரகம் சோம்பு சேர்த்து வெடித்ததும் நறுக்கிய பச்சைமிளகாய் சேர்த்து வதக்கவும் பின் துருவிய வெங்காயம் சேர்த்து கறிவேப்பிலை சேர்த்து வதக்கவும் வெங்காயம் நன்றாக ப்ரவுன் நிறம் வரும் வரை வதக்கவும்

பின் இஞ்சி பூண்டு விழுது சேர்த்து வதக்கவும் பச்சை வாசனை போக வதக்கவும்

தக்காளியையும் அரைத்து சாறாக எடுக்க கூடாது துருவி கொள்ளவும்

இஞ்சி பூண்டு பச்சை வாசனை போனதும் துருவிய தக்காளி சேர்த்து வதக்கவும்

நான் காஷ்மீர் மிளகாய்த்தூள் சேர்த்திருக்கிறேன் கலர் நன்றாக கிடைக்கும் காரம் இருக்காது

காஷ்மீர் மிளகாய்த்தூள் மற்றும் தனி மிளகாய்த்தூள் சேர்த்து வதக்கவும்

பின் மஞ்சள் தூள் கரம் மசாலா தூள் சோலே மசாலா தூள் சேர்த்து வதக்கவும்

பின் மசாலா தூள் பச்சை வாசனை போக வதக்கவும் பின் கொண்டைக்கடலை வேகவைத்த தண்ணீர் ஊற்றி நன்கு கலந்து கொதிக்க விடவும்

நன்றாக பத்து நிமிடம் வரை கொதிக்க விடவும் வெங்காயம் தக்காளி இஞ்சி பூண்டு விழுது மசாலா தூள் வகைகள் அனைத்தும் பச்சை வாசனை போயி திக்காக வந்ததும் வேகவைத்த கொண்டைக்கடலை சேர்க்கவும்

பின் அடுப்பை மிதமான தீயில் வைத்து எண்ணெய் பிரிந்து வரும் வரை நன்றாக கொதிக்க விடவும் அவ்வப்போது கிளறி விடவும் பின் எண்ணெய் பிரிந்து வந்ததும் நெய் விடவும்

பின் பொடியாக நறுக்கிய கொத்தமல்லி தழை தூவி விட்டு அடுப்பை மெல்லிய தீயில் வைத்து மேலும் சிறிது நேரம் வரை கொதிக்க விட்டு இறக்கவும்

கலரும் சுவையும் மணமும் மிகவும் நன்றாக இருக்கும்

சுவையான ஆரோக்கியமான சென்னா மசாலா ரெடி