اولا نحضرو صوص الطماطم: نقطعو لبصل والثوم ونديروهم يتقلاو في المقلاة فيها زوج مغارف زيت الزيتون ثم نضيفو الطماطم مسكرفجة (مفرومة) نديرولها الملح فلفل اسود اعشاب عطرية ونخلوها تطيب اي تستوي كي تنشف نرحوها

العجينة: نحطو الفرينة (طحين) ونديرولها الخمارة والسكر ونخلط كلش ثم نديرو حفرة في الوسط ونديرولها الزيت والحبة تاع البيض والملح ونجمع بالماء دافئ.وندلكها شوية ونحطها في پلاصة دافية نخلوها تختمر حتى يتضاعف حجمها

نفتحو العجينة ونحطوها في پلاطو نديرولها صوص الطماطم ثم اللحم المفروم والفرماج (الجبنة) انا هنا استعملت جبن الشيدر والكمومبار ثم الزيتون الاسود وندخلوها تطيب اي تستوي