نقلي البصل جيداً ثم نضيف اللحم والدجاج ونقلي مليييح ثم نضيف الطماطم المرحية والمعلبة والتوابل ونزيد نقلي مليح ونحط الحمص مشمخ ليلة كاملة ونغلق الكوكوط شوية ونحي الدجاج ونخلي اللحم يكمل يطيب (يستوي) ممكن تستعملو دجاج وحدو ولا لحم وحدو

لما يطيب (يستوي) اللحم نحيه ونحط الخضر يطيبو وتعقد شوية لاصوص تاعي من جهة أخرى نكون فورت التليتلي تاعي المرة الأولى ندهنو بزيت و مرات نشمخو مليييح بالماء ونخليه يشرب ونفورو

نحط التليتلي تاعي في مقلاة غارقة ونحط عليه لاصوص حتى يعوم ونقص النار ونخليه يتجمر مع التحريك لما يشرب لاصوص نزيدلو مغرف زبدة ونحطو وزين الصحن تاعي بلخضر واللحم والزيتون والبيض (البطاطا والدجاج حمرتهم في الزيت) وبصحة والهناء 😋