نحضر المرق الابيض:في طنجرة نحط الزيت و قطعة دجاج نقليها شوي و نضيفلها نصف كمية البصل والثوم و ملعقة صغيرة ملح و نصف ملعقة صغيرة كل من فلفل اسود و كركم و كمون وكسبر و شوية معدنوس و نقليه جيدا ونضيف كأسين ماء دافئ و نخليها طيب ثم نضيف الزيتون المغلي

من جهة اخرى نحط اللحم المفروم و نضيفلو نصف كمية البصل والثوم و الملح و الفلفل الاسود و الكمون و الكسبر و بيضة و ملعقتان خبز مرحي و نعجن الخليط باليد جيدا حتى يرجع املس نشكلو كريات متساوية الحجم

نقليها شوي فالزيت حتى تأخذ اللون الذهبي و نقطرها جيدا من الزيت و نرجعها للمرق

نخليها تزيد طيب فالمرق حتى ينقص شوي و تكون جاهزة نقدمها مع رشة معدنوس و نعصر عليها شوي قارص

بصحتكم 🌙🌙🌙