اول اشي نتبل السمك🐟🐟🐟

ثوم مدقوق مع فلفل أخضر حار وكزبرة خضرا كله ندقهمع بعض عشان تتجانس الطعم

نضيف الكاري و الليمون و زيت الزيتون و الملح، نخلطهم وننقع السمك فيه تقريبا لساعتين

نغلف السمك بالبيض و الطحين و نقليه

نصفي الزيت ونحط بطنجرة ونقلي البصل حتى يشقر لونه

نضيف الثوم المهروس و الزنجبيل و الكزبرة المطحون والهيل المطحون واللومي وورق الغار والقرفة

نضيف الفلفل الحار و الجزر المفروم و الزبيب

نقلب هم منيح ونخليهم على نار هادية

بعد ما نكون ناقعين الرز نضيف عليه بكيت ماجي بودرة و ملح و بهارات وإذا مش موجود البودرة نذوب بكيت ماجي مع المي عالغاز

نضيف الرز بالطنجره ونضيف عليه تقريبا لتر مي ونتركه حتى يغلي بعدين نحطه على نار هادية حتى يستوي

بس يستوي ويصير جاهز نسكبه للتقديم ونحط عليه السمك المقلي واللوز المقلي

تقدري تقدميه مع صلصة حارة وسلطة طحينية

السمك يلي بالصورة مقلي بدون ما يتغلف بالبيض و الطحين بالعادة لونه ذهبي

صحتيــــن وعــافية🌹🌹🌹