منفرق الصفار عن بياض البيض

منضيف للصفار وللبياض كاسة سكر ومنضل عم نخفق لحتى يتضاعف حجمون

للبياض منضيف رشة ملح قبل ما نخفق بتساعد لحتى يتضاعف حجمون

منرجع للصفار ، بس يتضاعف حجم الصفار منضفلون نصف كاسة مي سخنة مشان يدوب السكر و بس ينخفق منيح منضيف المواد الجافة كلا بس لازم ننخل المواد الجافة ؛ ومنخلط ٣ دقايق لحتى يصير الخليط سميك

منرجع للبياض منخفق وقت طويل لحتى يصل البياض لمرحلة اذا قلبنا الجاط ما يقع البياض 👍

منجمع الصفار والبياض من فوق لتحت من دون ما نروح كثافة البياض

منحط على صينيتين ورق زبدة ومنوزع الخليط عالتنين

منشغل الفرن من فوق ومن تحت والمروحة شغالة عدرجة عرارة ١٦٠ كل فرن بيختلف المدة بس اقل شي ١٥ دقيقة

اذا نفش الكيك من مكان و او عمل فقاعات عادي بعود خشب نفسوا للفقاعة و تركو لحتى يبرود وقصو الحرف او الرقم يلي بدكون ياه