اولا نحضر المرق : نقشر البصل و الثوم و نغسلهم و نطحنهم نحطهم في قدر فيه الزيت و نضيف قطع الدجاج و الملح نقليهم شوية ثم نضيف الفلفل الاسود و الطماطم المصبرة و نمرق بالماء الساخن و نخلي الدجاج يطيب نصف طياب فقط

نأخذ الصينية لي تدخل للفرن نقشر البصل و نقطعو دوائر و نحطو في قاعدة الصينية و ندردر عليه شوية ملح ثم نأخذ البطاطا تاعنا نقشرها و نقطعها دوائر و نضيف عليها الملح والفلفل الاسود و نخلط الكل ثم نقسمها على اثنان نضغ النصف الأول فوق طبقة البصل ثم نقشر الباذنجال و نقطعو دوائر و نضيف عليه الملح و الفلفل الاسود و نحطو فوق البطاطا ثم نضيف كمية البطاطا المتبقية

ثم نقطع الطماطم دوائر و نحطهم فوق البطاطا و نضيف عليهم كمية من زيت الزيتون و نحط قطع الدجاج و نفرغ عليها المرق و نغطيها بورق الزبدة ثم بورق الالمنيوم و ندخلها طيب في فرن مسخن من قبل