نقوم بضرب السمنه لحد ما تهيش و تبض السمنه لازم تكون مرمله مش سايحة عشان تهيش و ممكن نعملها بالزبدة و تكون بدرجة حرارة الغرفة عشان تهيش برده

و نضيف السكر ع السمنه و نضرب كويس لحد ما يختفي ف السمنه و تهيش كويس و نضرب معاهم البيض و الفانيليا بعد كدا هنضيف دقيق السميد و جوز الهند و بعد كدا الدقيق و البيكنج بودر و رشه الملح

و نمزج العجين مع بعض لكن مش هنعجن و بعد كدا هنحط العجينه ف كيس و تدخل ااتلاجة نص ساعة و تخرج نشكلها و احنا بنشكل نسخن العجينة كويس ف ايدينا عشان ماتفرولش و تتشكل بسهولة و نخلص الكميه كلها و ندهن وشها ببيضة عليها رشه فانيليا و معلقة لبن عشان تاخد اللون الدهبي من ع الوش و تدخل الفرن ع درجة حرارة ١٨٠ لحد تمام النضج (يكون لون الرموش من تحت دهبي)

الشربات بقي ع النار هنحط الميه و السكر و اول ما يبدأوا ف الغليان ننزل بعصير اليمون و تاخد غلوه واحده بس و نطفي و نسيبه ييرد لازم يكون الشربات بارد و نسقي رموش الست و هي سخنه من الفرن

الفيديو موجود ع قناتي مطبخ عكاكة ع اليوتيوب بالتفصيل

نوروني ⁦❤️⁩https://youtu.be/8s3qmsFq-a4 لينك الوصفة😘