اولا أسلق الدجاجه فقدر الضغط أضع عليها بهارات صحيحه حبات من الفلفل الاسود والهيل وعودين قرفه وورق غار وشوية ملح واضع عليها مويه مغليه واغطي القدر بإحكام لمدة 25 دقيقه..

اغسل الرز واصفيه من المويه واضع شوي زيت فقدر واحط على الزيت البهارات الصحيحه (فلفل اسود ، قرفه ، هيل ، ورق غار) وشوية ملح واقلب لحد ماتطلع معايا ريحة البهارات الزكيه واحط الرز واسكب عليه المويه واغطيه على نار هاديه ولمن باقيله شوي ويستوي احط عليه شوي صبغة زعفران من فوق عشان يطلع معايا اصفر وابيض..

اجهز تتبيلة الدجاجه وهي عباره عن (ملعقة معجون طماطم ، فلفل اسود مطحون ، كمون مطحون ، ملح ، صبغة زعفران ، مويه) اخلطهم مع بعض واضع البصل والطماطم والفلفل الرومي فالصينيه واصب عليهم التتبيله وفالفرن من تحت بعدين من فوق على حرارة 240 لحد ماتستوي وبعد كذا ابخر الرز بالفحمه واغرف فصحن التقديم الرز واضع عليه الدجاجه ويزين بالليمون وبالعافيه :)