بنسلق المعكرونة مثل التعليمات الموجودة على الكيس

بنحط الزيت والسمنة بالصينية وبنفرم البصل والثوم والفلفل الحلو وبنحلوسهم بالزيت والسمنة

بنضيف عليهم مكعب الماجي والذرة وبنقلبهم لحتى ياخدو نكهة بعض

بنضيف المعكرونة وبنحط عليها فلفل اسود وبهار مشكل والملح حسب الرغبة وبنحركهم مزبوط

بنجيب كاسة مي كبيرة وبنحل فيها باكيت رب البندورة وبنحطها على المعكرونة

غلفت وجه الصينية بورق القصدير وحطيتها على الغاز على نار متوسطة لحتى شدت مي البندورة

بعدين حطيتها بالفرن وشويت وجهها

هالمرة بعملها غير كل المرات زدت ذرة و سمنة بلدي وطبختها على الغاز اختصار للوقت وصحتين والف الف عافية على قلبكم