في إناء نضع الفرينة والملح أو لفاني نخلطهم نزيد المارغرين أمع الزيت أو نبسس العجينة أو نزيد المزهر بالتدريج حتى نتحصل على عجينة متماسكة ندلكها غير شويا نقسمها الى 4 أجزاء كل جزء نشكلو كرية كل كرية نغلفها بغلاف بلاستيكي ونخليهم يريحو حوالي ساعة أو اكثر..

كتريح العجينة نرش طاولت العمل بالميزينة ونحل كرية من العجينة رقيقة حوالي 80 سنتيم فالطول والعرض 20 سنتيم ثم نجيب صفاية ندير فيها المايزينة ونرش كل السطح ثم نبدا الرولي فالعجينة على شكل حربوش ثم نحي الزوائد أو نجيب بياض البيض أو نغلق بيه الحربوش

نقطع الحربوش قطع متساوية حوالي 1٫5 سنتيم نكملهم بنفس الطريقة نضغط على كل قطعة بالاصبع أو نحلها بالحلال مرة الفوق أو مرة لتحت نكمل كل القطع بنفس الشكل

انجيب كسرونة اندير فيها الزيت تسخن كتسخن نرومي الخشخاش على نار هادية كتطلع حبة الخشخاش فو الزيت وقفيها على الجوانب أو رمي الزيت باه تنفتح حتى تأخذ الون الذهبي نحيها أو كملي كامل الحبات بنفس الطريقة كتكملي عسليهم أو رشيهم بالجلجلان