نحط الحليب مع الخمارة والسكر نخلط مليح بالفوي ونضيفلهم البيض والزيت مع الافاني و زاز تاع ليمون نخلط كل المكونات مليح ونلمهم بالفرينة مع رشة ملح صغيرة

نخلي العجينة تاعي شوية طرية باه جيكم خفيفة وفي الاخير نضيفلها هاذيك المعيلقة تاع المرغرين وندلكها مليح نرجعها في غيسيبيو ونغطيها ونخليها تخمر

نوجدو الحشو تاعنا. نجيب كسرونة ندير فيها زوج كيسان حليب مع السكر و النشاء نخلطهم بالفوي ونحطهم على نار هادئة

كي تلاحضي سيدتي الخليط تاعك عقد حطيه في كاش طبسي وخليه يبرد وغطيه باش ميدخلوش الهواء

بعد ما خمرت العجينة ديري الزيت في يدك ورفدي العجينة وبسطيها في الصنية تاع الفرن وتكوني شعلتي الفرن ديالك باش يسخن

خليها تزيد تخمر مليح وجيبي صفار بيضة مع القليل من الحليب خلطيهم مليح وطليهم على الوجه لامونة

دخليها للفرن خليها طيب مليح ويحمار الوجه ديالها وخرجيها من الفرن وخليها تبرد مليح اقسميها الى نصفين وعمريها بهاذاك الكرام لي صنعتيه

وللتزيين انا طليتها بالناباج و ذريت عليها سكر ناعم