نضع 2 مغارف زيت في مقلاة و نفرغ البصل المقطع رقيق و نغطي علية و نخليه حتى يذبال مليح ثم نزيد الفلفل المقطع رقيق و نغطي عليهم و نخليهم يذبالو مع بعض

بعدما يذبالو مليح نزيد الطماطم مقطعة رقيق و الطماطم المصبرة و الدبشة ورقة رند و التوابل و الملح و3 مغارف كبار زيت و نخلط الكل مع بعض مليح ثم نغطيهم و نخليهم يطيبو مليح ثم ننزعهم من النار و نخلي لحشو يبرد

نحضر لعجينة. نخلط الحليب و الزيت و البيض و السكر و الملح نخلطهم بالملعقة مليح حتى تجانس المكونات جيدا ثم نضيف لخميرة و الفرينة تدريجيا حتى نتحصل على عجينة طرية نخليها ترتاح في كيس بلاستيكي

ثم نقسمها الى اربعة قطع متساوية و نحلل القطعة الاولى بشوية فرينة نحللها رقيقة و نخليها على جنب,

ثم نزيد نحلل القطعة الثانية بالفرينة رقيقة ايضا ثم ندهنها بالمارغرين ذايبة وباردة ثم نحط فوقها القطعة الاولى

و نزيد ندهنها بالمارغرين من فوق مبعد نطويها على زوج طوليا و نزيد ندهنها بالمارغرين و نطويها على زوج

يصبح الشكل كما في الصورة و نزيد نطويها و نعدلها على شكل مستطيل

ننزعهم من كونجيلاتور و نحلل القطعة الاولى بشوية فرينة نحللها رقيقة و نضعها في صينية مرشوشة بالفرينة ثم نضع فوقها الحشو

نزيد نحلل القطعة الثانية بنفس الطريقة و نضعها فوق الحشو ثم ننزع الاطراف الزائدة و نقسمها مربعات كي نقسم لازم لموس يوصل للطبقة الاولى(ميش نطراسي برك)و ندهنها بصفار البيض و نزين بالزيتون

ندخلها للفرن على 180د تحمار مليح و شهية طيبة