نخلط السمن او المارغرين مع الماء و الزيت و الملح و العسل نخلطهم مليح بالملعقة او الفواي نخلطو بزااف حتى يولي الخليط ابيض كريمي كيما في صورة

من جهة اخرى نخلط المكونات الجافة مع بعض (السميد و الفرينة) نمزجهم مليح ثم نضيف خليط السوائل و نلم لعجين بدون منعجن نتحصل على عجينة طرية بزاف متزيدولها والو وحدها تنشف كي تخدمو بيها تحسوها نشفت (هذا هو السر تاعها جي طرية)

نقسم العجينة على زوج ندير زوج كريات تقريب قد بعضاهم و نحلل باليد القرصة الاولى فوق كيس بلاستيكي منحللهاش بزااف شوية برك حتى و يخرجولك تشققات تاع لعجين عادي و نضع فوقها قرصة لغرس (لغرس نعجنو بالماء عادي و شوية زيت حتى يرجع طري و نقرصو باليد فوق كيس بلاستيكي) و نزيد نقرص القرصة الثانية تاع لعجين فوق كيس بلاستيكي ايضا و نهزها و نحطها فوق قرصة الغرس (كما في الصورة)