في طاجين نقلي قطعة اللحم في شوية زيت و سمن و نضيفو البصل المسكرفج و التوابل و نمرق بشوية ماء ساخن و نتركه ينضج

في مقلاة نقلي اللحم المفروم مع البصل المقطع نملح و نضيف الفلفل الأسود والثوم والطماطم المركزة نقليها باش تروح الحموضة ونضيف طماطم حب و ورقة رند و نمرق بشوية ماء و نخليه يشرب الماء و يطيب

نحكم البطاطا نقطعها و نفورها مع الملح و مبعد نمعسها بالفرشيطة مع ملعقة صغيرة زبدة و رشة فلفل أسود و ملح و معدنوس مقطع و نديرها في جيب الحلواني و نشكل أعشاش على ورق الطبخ

نعمر باللحم المفروم و ندخلهم الفرن على حرارة متوسطة و نحمرهم من الفوق ونضع الجبن المبشور على الوجه.

تقدم مع المرق في صحن ونستف الاعشاش مع رشة من المعدنوس مقطع و شهية طيبة.