ننزع الاجنحة من التتبيلة و نحيلهم هذيك التوابل لي لاصقة فيهم و نسخن شوية زيت في لكوكوت ونقليهم يحمرو مليح ثم نرجعهم للتتبيلة و نخلطهم ثم نرجعهم للكوكوت و نزيدلهم حوالي نص كاس ماء ساخن و نغلق عليهم لكوكوت و نحطهم على نار هادئة جداا حتى يطيبو,بعدما يطيبو نحي لصوص تاعهم و نخليها على جنب

نقطع البطاطا و الطماطم مكعبات و الجزر دوائر و البصل شرائح طوال و نخلط الكل مع بعض ونزيدلهم ثوم مرحي و الزيتون الاخضر و الاسود حب او مقطعين و الدبشة مقطعة رقيقة ثم نزيدلهم التوابل (نص ملعقة كبيرة كمون و نص ملعقة كبيرة فلفل احمر مرحي و نص ملعقة كبيرة كركم و ملعقة صغيرة زنجبيل و ربع ملعقة كبيرة كسبر و ملعقة صغيرة فلفل اسود وملح) و رقة رند وربع كاس زيت ونخلطهم الكل مع بعض

نفرغ الخضار في صينية فرن و نفرغ على جوانب صينية اقل من نص كاس ماء ساخن و نغطيه بالالمنيوم و ندخل صينية للفرن على اقصى درجة و نخليها طيب و كل ربع او نصف ساعة نفتح على صينية و نحرك الخضار حتى يطيبو

بعدما طيب الخضار نفرغ عليها لاصوص تاع الاجنحة و نخلط مليح و نرجعها للفرن تجمر مليح ونحيها وشهية طيبة للجميع