ثم ابسطيها في مول تاع تارت ممكن تدهنيه بشوية زبدة ولا تخدمي بيه طول اذا كان ميلصقش لعجينة,ابسطيها بسمك متوسط مترقيهاش بزااف و اثقبيها بالفرشيطة مليح و خليها ترتاح10د و دخليها للفرن على 180د تاخذ اللون الذهبي و نحيها من الفرن و خليها تبرد تماما متنحيهاش من المول تاعها (كي دخليها للفرن و تبدا تطلع في الوسط خرجيها و عاودي اثقبيها)

من جهة اخرى نخدم كريمة الليمون :نخلط بالفواي مليح البيض و السكر و النشاء ثم نضيف عصير القارص و الحليب ثم نضع الكل فوق نار متوسطة مع التحريك المستمر حتى تثقال شوي برك و نحيها و نزيدلها مارغرين ثم نفرغها في صحن زجاجي و نغطيها بكيس بلاستيكي و نخليها تبرد

بعدما تبرد لكريمة نحركها بالفواي او الباتور و نفرغها في وسط لاتارت و نخليها على جنب ومن جهة اخرى نطلع بياض البيض مع السكر ورشة ملح ملييح حتى يضاعف الحجم و يرجع مثل الثلج ونفرغو مباشرة فوق لاتارت (فوق كريمة الليمون) و نشعل الفرن من فوق فقط و ندخل لاتارت للفرن باه يطيب شوية المورانق و ياخذ لون محمر او لي عندها شاليمو مباشرة تخدم بيه.