إفتح في تطبيق كوكبادالخطوات
- 1
ملحوظه: الارز البسمتي طويل الحبه بنحيبه من العطار ونقوله عاوزه رز بسمتي طويل الحبه درجه اولي
- 2
الارز يتغسل كويس اوي وننقعه ف ماء ساخن مع م ص من الخل لمده نص ساعه ، الخل بيخلي الرز مفلفل
- 3
ف الحله هضيف اربع معالق زيت ومعاهم معلقه سمنه او زبده انا ضفت سمنه بلدي وبلاش نكتر دهون كتير ، هنضيف عليهم بصله مفرومه والتوم المفروم واقلبهم مع بعض كويس لحد ما يدبلو وبتدين هضيف عليهم التوابل السليمه (القرفه السيجار والحبهان وورق اللورا والفلفل الحصي) هنقلبهم مع بعض لحد ما نشم ريحه البهارات انها طلعت نضيف الطماطم المبشوره والجزره المبشوره
- 4
وع الخليط ده هضيف التوابل البودره المذكوره فووق وهنقلبهم كويس وبعدين اضيف مكعبين المرقه واقلب واسيب الخليط ع النار يتسبك لمده دقيقتين وهنضيف الزبيب معاهم ، وبعدين هضيف الرز واقلبه كويس معاهم شويه وبعدين هضيف الماء الساخن عليهم (4اكواب) واقلب وبعدين هغطي الحله واسيبهم ع نار عاليه لحد ما الارز يتشرب المايه وبعدين اوطي النار جدا لحد ما الارز يستوي.
- 5
وبعدين هجيب قطعه الفحم هحطها جوا ورقه الفويل مع م زيت واضيفها جوا الحله واقفل عليها
- 6
وف طاسه تانيه هضيف م ص زبده وعليها هضيف المكسرات اي نوع مكسرات عندك واقلبها لحد ما تتحمص وبعدين هشيلها من ع النار وهضيفهم للارز ونقدمه بقه والف هنا 😍
- 7
ملحوظه : لكل كوب أرز يضاف 2 كوب ماء ساخن
كلمات ذات صلة
وصفات مشابهة
وصفات ننصحك بمشاهدتها
التعليقات (7)