اولا نقشر البطاطا ونقطعها قطع نديرلها قرصة ملح والماءونطيبها بعد ما اطيب نديرولها قطعة زبدة وجبن مبشور شوية ملح شوية فلفل اسود ونهرسوها بالفرشيطة ونظيفولها الدبشة ونهرسوها مليح

وفي المقلا ت نحطو شوية زيت البصلة والثوم ونقليوهم نزيدو اللحم المرحي ونقليوهم حتى يطيبلنا اللحم ونظيف السلق مقطع رقيق طبعا نكونو غسلناه من قبل ونبقاو نقلبو فيه حتى يذبال السلق ونزيدلو الملح وفلفل اسود وكمون وكسبر مرحي

نقلبهم مع بعض ونحيوه من فوق النار وكي يبرد شوي نظيفلو البيض ونقلب حتى يتجانس الخليط ونحط خليط السلق في المول ونزيد من فوق البطاطا الي حظرناها في الاول نغطيو كاما سطح المول وندخلوها للفرن حتى طيب من تحت و تحمار من فوق