نغسل البرغل جيدا ونتركه خمس دقائق منقوع ثم نصفيه جيدا ونعصره بايدينا حتى نتاكد من عدم وجود الماء ثم نضعه في مفرمه اللحمه او محضره الطعام مع اللحمه والبهارات والملح وبرش الليمون والنعنع والبصل والفلفل ونطحنهم معا حتى تصبح عجينه جامده نوعا ما ونفركها بايدينا التنتين فرك وليس عجن مع رشه قليله من الماء هيك بتصير جاهزه للحشي

لتحضير الحشوه نضع اللحمه على النار ونتركها حتى يتغير لونها ثم نضع البصل المفروم ناعم فوقها ونخلطهم جيدا نضيف قليل من الزيت ونحمسهم جيدا حتى يذبل البصل تماما ثم نضع البهارات والملح ومكعب مرق الدجاج والسماق ونخلطهم جيدا ثم نرفعها عن النار ونتركها لتبرد

نبلل أيدينا قليلا من الماء ثم نقطع عجينه الكبه الى قطع صغيره متساويه الحجم دوائر ثم نبدأ. بحشي الكبه بالطريقه المعتاده ونقليها بزيت غزير وحار وعندما نضع حبات الكبه نخفض حراره النار اول دقيقتين ثم نرفعها نار متوسطه

اللي تعلمته من امي الله يطول عمرها الكبه واسرارها....السر الاول تحضير بهارات الكبه....السر التاني كيف استعمل بهارات الكبه

كيفيه استعمال بهارات الكبه بحضر ملعقه كبيره من البهارات مع ملعقتين برغل ناشف بدون نقع مع بصله صغيره مفرومه ناعم وبفركهم مع بعض منيح حتى تطلع ريحه البهار بعدين بحطها فوق اللحمه والبرغل وبنطحنو سوا.....وهالشي أعطى نكهه طيبه وما موجوده الا بالكبه اللبنانيه لانه بهاراتها خاصه وطريقتها غير عن اي طريقه.............

امي مدرسه بالطبخ وانا تلميذه عندها....كل عام وجميع امهاتنا بالف خير ❤️