حكمت الجاجة نقيتها مليييح فليتها 🕵🏻‍♀️🔍🔍 وشوطتها ومبعد غسلتها بالخل والملح ومبعد غسلتها بالماء ومبعد زدت رشيت عليها الملح ودخلتها باتت في الثلاجة

لغدوة درت حبة الطماطم وزدتلها المايوناز والموتارد والدبشة مقطعة رقيقة والثوم والتوابل 👆👆حسب الرغبة

جبدت الجاجة تاعي ثقبتها بالموس وربطتلها رجليها وجنحيها بالخيط ودهنتها بالخليط 👆 وخليتها نصف ساعة وقد ما تخليها تشرب ليزيبيس قد ماتجي بنينة

بعد نصف ساعة ولا ساعة تشعلي الفور وتركبي الجاجة في تورن بروش و تحطي حبة الثوم (شوي مقسومة على الحاشية بلا مانفزدو الشكل و لا تتفصص) وورقتي الرند داخل الجاجة وتخليها تطيب وكل جاجة و قداه تحكم الوقت

ترافقيها مع البطاطا ولا ارز وشهية طيبة