نحكم البيسكوي تاعي ندقدقو و نديرو في قاع الكاس انا زدت شمختو في شوي حليب

ندير طاوة ندير فيها الحليب و الكاكاو و النشاء و الملعقة تاع الشيكولا الطلي تحركهم بارد في بارد ومبعد نحطهم فوق النار مع التحريك المستمر حتى يعقد الخليط هو سخون هكاك و انا ندير نصف علبة تاع الشيكولا مع باطة الدانيت و نحركو مليح حتى تذوب الشيكولا و نسكبها في الكيسان فوق البيسكوي لمشمخ بالحليب و ندخلها للثلاجة تجمد

اما الطبقة الثالثة نطلع لاشونتي تاعي و نزيدها ملعقة شيكولا الطلي و نديرها في كيس حلواني و نزيدها فوق الطبقة الثانية