هنجيب الحله ونحطها ع النار ونحط فيها المايه والزيت والسكر والملح لحد ما يغلوا

نجهز الدقيق ونحط عليه النشا وننخلهم فوق الخليط بعد ما نطفي النار
ونقلب لحد ما الدقيق يختفي ويبقا عجينه حلوه

وبعدين نرجعها ع النار تاني زي ما اكون بقلبها بس كده وهي عجينه

ف الخطوه دي لازم العجينه تتفرد مثلا ف طبق وتسيبيها تبرد او تحطيها ف العجان لو عندك وتشتغلي فيها تقليب بالكف لحد ما تبرد

بردت نحط البيض بقا بيضه ونقلب وبيضه ونقلب لحد ما تختفي وهكذا ومننساش الفانيليا مع كل بيضه

العجينه هتبقا سايحه بس ماسكه نفسها نحطها بقا ف القرطاس ال هنشتغل فيه او كيس الحلواني

خلي جنبك طبق زيت عشان تدهني بيه ايدك او المقص ال هتقصي بيه بلح الشام ف الزيت

ملاحظات **

-زيت القلي لازم يكون بااااارد بارد يعني متولعيش عليه غير لما تنزلي فيه بلح الشام وبعدين تولعي ع نار هاديه

طيب لو انا هعمل اكتر من مقلايه عادي

استني لما يبرد خااالص وبعدين اعملي تاني ❤️

-الدقيق لازم يكون متعدد الاستخدام يبقا مكتوب عليه كده

-ممكن نحط ف الوصفه زبده بدل الزيت بس بالزيت مقرمش اكتر

انا حبيت لونه وهو غامق يعني قرصت عليه وانا بقليه دي حاجه ترجعلك 🤝

-القمع هو ال بيحدد حجمه انا استخدمت قمع واسع وكان ممكن يتحشي كريم شانتيه بس مكنش عندي وقت 🙁

-بلح الشام يطلع من الزيت ع العسل البارد وبعدين ع مصفى 😉
وبالف هنناهاا

الشربات
تحطي السكر والماء ع النار بحد ما يدوب وبعدين بعد الغليان نحط اللمونه والفانيلا ويغلي خمس او ١٠ دقايق وبعدين نطفي ونسيبه يبرد تماماااااا