نغسل الكرمب و نورقه برفق حتى لا تتمزق اوراقه و نحطوه يفور.

نجيب نصف صدر دجاج نغسله و نقطعه و نرحيه. في مقلة نحط شوي زيت و حبة بصل مقطعة ونخليهم يتقلاو لما يذبال البصل نضيفلو نصف صدر دجاج مرحي و نضيف الملح و الفلفل الاسود وتوابل الدجاج و نخليهم يتقلاو. لما يتقلاو نضيف قطعة جبن كبيرة و نخليها تذوب في وسط الدجاج ونطفي عليها و نضيف قليل من القصبر مقطع.

نحضر صلصلة البشاميل انا كنت حضرتها في وصفة سابقة تصفحو الوصفة راني حاطة الرابط تاعها.

نجيب سنيوة نفرغ فيها قليل من صلصة البيشاميل. لما يفور الكرمب و يبرد تماما نجيب ورقة كرمب و نحشيها بحشو الدجاج و نلفها مثل مانلف البوراك و نحطها في السنيوة و نكمل هكذا مع باقي اوراق الكرمب حتى نكملهم كلهم نضيف عليهم من الفوق صلصلة البشاميل.

ندخلهم الفرن نكونو شعلناه من قبل نحطهم في الوسط و نخليهم يتحمرو لما يتحمرو نطفي عليهم ونخرجهم و نقدمهم مع سلطة او حساء.

ان شاء الله يعجبكم شهية طيبة 😘😘😘😘