إفتح في تطبيق كوكبادالخطوات
- 1
نقي البطاطا وقطعيها مربعات واقليها. قطعي البصل رقيق نصفها قليه مع اللحم والنص الاخر اقليه مع الطماطم بعد ماتكوني رحيتيها وزيدي لهم شوي طماطم مصبرة نص ملعقة صغير حليها في نص كاس ماء ومرقي بيه وضيفي التوابل وماتكتريش الملح😀
- 2
اقلي اللحم مع النصف الثاني للبصل وزيدي شوية سلق وملح وفلفل اسود وماتكثريش الملح.
قطعي الفلفل مربعات واقليه بدون اضافة اي توابل حتى الملح 😀 بعد كل هذا نجو للباذنجان 😂 مانسيتوش، اغسليه واشويه ومبعد قشريه وقطعيه مربعات 😊
- 3
واخيرا وليس اخرا ، بعد مايطيب كل شي جيبي الصينية الخاصة بلغراتان ادهنيها بشوية زبدة ومبعد ديري صلصة الطماطم نصها برك خلي النص لوخر لمبعد ومبعد حطي بالترتيب= بطاطا+ فلفل+ اللحم+ القليل من الجبن المبشور + الباذنجان + صلصة الطماطم.😊
- 4
كآخر خطوة جهزي صلصة الجبن انا درت كاس ناقص اصبع حليب + القليل من الجبن الطري (عينك ميزانك) + ملعقة كبيرة من النشاء + فلفل اسود وملح ، وخلطي بارد في بارد ومبعد حطيه فوق نار متوسطة وبقاي خلطي حتى تعقد (يمكن استبدالها بصلصة البشاميل)
- 5
صبي الخليط من المكونات وضيفي من الفوق جبن مبشور ودخليها للفور كي تشوفيها حمرت من الاسفل حمريها من الفوق وقدميها 💓 شهية طيبة 💓
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات