في كاصرونة نخلط الحليب والسكر والكاكاو و الفرينة والنشاء والبيضة ونحطو فوق نار متوسطة.

كي يبدا الخليط يسخن، نضيفو الشوكولاتة ونخلطو حتى يعقاد.
📌ملاحظة: باش يجيكم كرام ديسار كريمي متخليوهش يعقاد بزاف.

بعدما يوصل للقوام المطلوب، نضيفو الزبدة والكاوكاو المرحي ونفرغو في لي مول ونحطو في الثلاجة حتى تبرد.

في هذه الأثناء نحضرو كرام شانتيي:
في وعاء نخلط الشانتيي والحليب حتى يطلعو ونضيفو العطر أو شوكولاتة الطلي ونحطوها في الثلاجة تبرد.

بعدما تبرد الكريمة نشمخو البسكويت في القهوة ونحطوه فوق لكرام ديسار ونحطوه في الثلاجة تبرد (حوالي ربع ساعة).

بعدما يحكم البسكويت روحو (كيما قلت حوالي ربع ساعة في الثلاجة) نحطو الشانتي فوق لكرلم ديسار.
📌ملاحظة: إذا كانو لي مول تاعك كبار تقدري تزيدي في كمية الشانتيه والحليب.

في هذه المرحلة تقدري تقدمي كرام ديسار تاعك بلا ما تحطيه في الثلاجة انا حبيت نحطو يبرد احسن.