اولا نغسل الشفلوغ مليح ونرابيه رقيق وهو اخضر بعد منرابيه نضيفلو البيض والمعدنوس مقطع رقيق ونضيف الملح والفلفل الاسود والفلفل الاحمر والكمون وزوج ملاعق فرينة ونخلط المكونات مع بعض مليح حتى يصبح الخليط متجانس

نجيب مقلاة تكون متلسقش ونحط فيها ملعقة الزيت وندهنها كامل ونحطها على نار قليلة وكي تسخن المقلاة نفرغ الخليط ونفرده بالملعقة متساوي ونغطيه نخليه يطيب على نار هادئة وكي نشوف الحاشية حمارت نقلبو بواسطة صحن اخر ونخليه يطيب على الجهة الاخرى وبالصحة والراحة

ملاحظة كي تقلبيه الي تحب تظيفلو فرماج (جبنة) رابي وتغطي عليه رح تلقاه ذايب وزيدلو نكهة