نغسل الارز كويس وننقعه عشر دقائق ف ماء عادية ونصفيه كويس

البصلة هتتقطع مكعبات صغيرة جداً ونشوحها ف ملعقة زيت على زبدة ويدوب تذبل نحط كل التوابل تأخذ تشويحة وبعدين ننزل بالارز ياخذ تشوحتين لحد ما ميته تنشف نهائى

في كوبين ونص ماء مغلية نذوب مكعب المرقة ونحط شعرتين من زعفران أن وجد وننزل بالماء على الارز تأخذ غلوتين

اول ما الارز بدأ يدخل ف التشريب هنوطى النار خالص ونحط شياطة تحته ونسيبه يتشرب على مهله وعلى الوجه مكعب زبدة صغيرة اول ما يستوى

هنطفى فحمة مولعة جوة الحلة بمعلقة زيت ف ورقة فويل بيدى طعم شوى جميل للأرز وبالهنا والشفا مكعب زبدة