للعجينة :
نأخذ السميد و نضيف عليه رشة ملح ، قليل من الفانيلا أو بودرة ماء الزهر، السكر و نخلط جيداً

ثم نضيف الماء و ماء الزهر و نخلط جيداً. المزيج لازم يكون طري و مشمخ مليح.
نعجنوه بين الأيدي لمدة 10 دقائق حتى يذوب السكر تماما. راح يولي عجين معلك و معسل بين يديك.

شوفو كيفاش تشكل على شكل عجين معسل و يتلاسق هذا هو القوام الصحيح لقلب اللوز.

نغطيه و نخليه يرتاح ليلة كاملة على الأقل 12 ساعة.

في الغد نعاود نعجن الخليط لمدة 10 دقائق.

ندهن صينية الفرن بالزيت نطلي العجينة و نسويها باليد ثم بقطاعة العجين coupe pâte و نعاود ندهن السطح بالسمن و نطراسي الحبات.
ممكن نزين بحبات لوز او كاوكاو.

و ممكن نحشيه باللوز أو كاوكاو مطحون خشن بدون أي اضافات.

ندخلها لفرن مسخن على 180 الى 190 درجة تطهى من تحت حتى تتحمر مليح و تكتسب لون بني غامق في الأطراف.
في نصف طياب نخرجها و ندهن السطح بالسمن.
كي تطيب اي تستوي من تحت نشعل الفرن من فوق حتى تتحمر جيداً و يولي لونها بني محمر.
نخرجها و هي ساخنة نسقيها بشربات باردة.
ندخلها للفرن المطفي تتشرب جيداً نخليها ترتاح ربع ساعة ثم نقطع الحبات.