في إناء نحط ماء دافئ و خميرة خبز و سكر و حليب بودرة و علبة ياغورت نخلط جيدا حتى يذوب سكر و خميرة ثم نضيف زيت و ملح و فرينة مغربلة تدريجيا حتى نتحصل على عجينة طرية تتلاصق ندلكها مدة 5 د و نخليها تخمر

نخلوا عجينة تخمر و روحوا نوجدوا حشو في مقلاة نحط حوالي 3 ملاعق زيت و نحط سكالوب مقطع شرائح صغار و بصل مقطع مربعات و نضيف ملح و فلفل اسود و نقلي كي يذخلهم طياب نضيف فلفل مقطع مكعبات صغيرة و نقليهم مع بعض حتى يذبالو كي يطيب حشو ننزعه من فوق نار و نخلوه يبرد جيدا

بعد لي خمرت عجينة نقسمها على 2 (انا خدمت بيها زوج فطيرات حجم كبير اذا بغيتهم صغار قسمها على 8) نحل عجينة بإستعانة بالحلال و قليل من فرينة نضع ورق طهي و نحط عجينة اي حلينها و نعمل خطوط نقطعهم ب الة تقطيع بيتزا و نخلي وسط مثل ما هو و نحط كمية من صلصة بيتزا ثم حشو ثم فرماج مقطع

ندخلوها فرن 200 درجة مسخن من قبل طيب من الاسفل ثم نشعل من فوق تتحمر و نخرجوها