نضع في قصعة السميد و ليدام و نبسه غاية و من بعد نغطيه و نخليه يبات ليلة كاملة

و من بعد نجيب الغرس نقيه و نزيدله شوية ماء الزهر و مغ ك مرغرين و شوية قرفة و كبابة و من بعد نخلطه غاية حتى يولي كالعجينة

و نجيب السميد نعاود نحله و نضيفله الفرينة و الملح و الخميرة و فانيلا و نلمه بالماء الزهر و ماء بصح غي بالاصابع منعجنوهش و كيتلم نخليه يرتاح شوية و نشوف الا شرب و خصه الماء نزيدله شوية و من بعد نشكله و نحشيه بالغرس و من بعد ندخله يطيب على نار متوسطة و كنشوفه تحمر مالتحت نشعله مالفوق و كي يدي اللون الذهبي نطفي عليه و غي نخرجه نعسله مباشرة و شهية طيبة