أولاً نحضر العجينة ، نضع المكونات الجافة(الدقيق؛ الملح، السكر، اللبن البودرة، الخميره، الزعتر) ونقلبهم مع بعض بعد كده نحط عليهم الزيت ونقلب بعد كده ننزل بالمياة شوية بشوية ونعجن لغايه م تبقا عجينة متماسكة نعجن حوالي 10 دقايق ونغطيها ونسيبها في مكان دافئ تختمر.

نحضر الصلصة، نبشر الطماطم ونضعها في حلة علي النار تتسبك ونضيفلها ملح وفلفل وملعقة سكر. ونسيبها تبرد.

الحشو(الفراخ).
انا متبلاها من بليل بملح وفلفل وليمونه وملعقة خل وبابريكا وبصله مفرومة ناعم ورشة زعتر، تاني يوم سخنت جريل ودهنته بزيت او زبدة وحطيت الفراخ خدت صدمه واتشوحت كويس وبعد كده ضيفتلها الفلفل الاخضر مقطع شرايح وسبتها تستوي.

بعد م العجينة اختمرت، جبت صواني البيتزا وفردت فيها العجينه، اهم حاجة متفرديش البيتزا بالنشابة بتضيع كل التخمير، افرديها بايدك في الصينية، هتلاقي العجينة بتيجي عند مرحلة وترجع تاني سبيها ترتاح وافردي الي في الصينية التانيه وهكذا وارجعلهم تاني هتلاقيهم اتفردوا معاكِ بالمقاس الي أنتِ عوزاه.

اخرم بشوكة عجينة البيتزا ، واضيف الصلصة وبعد كده الفراخ وبعدين الزيتون وفي الاخر الجبنه الموتزريلا.

ادخلها فرن سخن مسبقاً علي درجة حرارة 220 من تحت لمدة 7 او 9 دقايق هتلاقيها استوت من تحت تشغلي الشواية من فوق تاخد لون.

المقدار ده عملي 3 بيتزات من المقاس ده وصينيه الفرن الكبيرة.

وبالهنا والشفا.