بسم الله في وعاء نحط البيض مع رشة الملح و الفانيلا و نخلط الكل بالباتوغ جيدت حتى يولي قوام رغوي و خفيف و ابيض اللون هنا نضيف السكر تدريجيا مع الخلط المستمر بعدها انتهينا من الباتوغ هناا نضيف الفرينة بعد ما كنت صفيتها و بالستعمال spatule نخلط الكل برفق و في اتجاه واحد حتى نحافظ على القوام

بعدها نجيب صينية (30 سم / 40 سم) و نحط فيها ورق الطهي و نسكب المزيج و نك ن مسخنا الفرن مسبقا على 180° _ مدة 12د

بعدها نخرجها و نخليها تبرد تماما بعدها نقطعها على حساب سارسو انا جابتلي 3 طبقات

بالنسبة للكريمة اولا نقطع الشكلاطة مربعات صغار و نسخن الكريمة حتى الغليان و نسكبو فوق الشكلاطة و نخليها 2د و نخلطوها مليح و نغطوها و نخلوها فالمجمد على الاقل 4 سا و في جهة اخرى نطلع الشونتيي مع الحليب و بعد ما يجمد الڨاناج نطلعوه جيدا بالباتوغ حتى يولي قوام كريمي و نخلطوه مع شونتيي و هكذا نتحصلو على كريمة بزاف بنينة

و هنا بقاتلنا خطوة المونتاج اولا نشربو الجينواز مليح بالحليب و نعمل الطبقات بالكريمة و ممكن نضيف قطع من الفراكه فالوسط بعدها نغلف كل الكيكة بالكريمة و نزينها بالشكولاطة و التزيين يبقى اختياري و شهية طيبة 💛