بننقع البرغل بالمي لحد ما يطرا مزبوط (انا الكيلو طلع معي 4 كاسات ونص نقعتن ب 5 كاسات مي دافية).

بنقشر البصلة وبنغسلا وبنقسما 4 ارباع.

بماكينة الكبة بنطحن كل مكونات الكبة مرتين.

بنجهز الحشوة.. بندوب السمنة وبندبل فيا البصل وبعدا بنضيف اللحمة والشحمة وبقية البهارات والملح وبس تستوي اللحمة بنطفي الغاز وبنتركا تبرد شوي لنقدر نشتغل فيا.

بنعبي زبدية كبيرة بالمي وبنضيف عليا ملعقة كبيرة نشا وبندوبا بالمي.

بنبحشي قراص الكبة وبنسكرن مزبوط وبنحاول انو العجينة ما تكون سميكة لأنو كل ما كانت ارق كل ما كانت اطيب.

بنمسح قراص الكبة بالمي والنشا وهيك ابدا ما بيتشققو معنا وقت القلي وبياخدو لون دهبي فظيع.

بس نخلص الحشي بنحطن بالبراد ليتماسكو.

بنقلي قراص الكبة بزيت غزير وحامي وبنضل واقفين جنبن لانو ما بياخدو وقت كتير و أول ما يصير لونن دهبي بنصفيون من الزيت وبيصيرو جاهزين للتقديم.

بنقدم اللبن وشوربة العدس جنب الكبة المقلية وصحة وألف هنا😙😙😙