بالبداية منطحن المكونات ع الخشن او منتركن حب متل ما انا عملت.

منضيف التمر والمي والسكر ومنتركن ع النار ليغلو ويبلشو يشدو منعصر عصرة حامض ليصيرو شبه القطر.

مناخد صينية منمدها بورق زبدة ومنزل الخليط ع الصينية واهم شي نقوم بكبس قوي على سطح الخليط ليتماسك وما يفرط وقت التقطيع

يدخل البراد اقل شي ساعتين اقبل التقطيع

يقدم كسناك مشبع وغني بالفوائد وبكفي ان صحي ومحلا بالتمر والسكر البني لبيعطينا طعم متل الكراميل.

ملاحظات بسيطة حبيت اذكرها لتستفيدو منها : المكونات ممكن نغير فيها ع حسب الموجود ما تتقيدو ابدا.

كتير مهم نضغط الخليط هو وبالصينية بشكل كتير قوي اذا حابين تقطعوهن الواح وممكن تستبدلو هل الخطوة بي ان تشكلوهن كرات متوسطة الحجم وتحطوهم بي ورق الزبدة لبكونو صغار.

لما نجي بدنا نقطع الصينية لنضمن التقطيع يكون سهل وما تفرط نحط ااسكينة بي مي سخنة ونقطع كل شوي انزلها بمي سخنة نرجع نكمل التقطيع.

السيروب ممكن يكون عبارة عن عسل وقليل من المي نغليهن ع الغاز مع عصرة حامض بسيطة ونزيدو ع المكونات.