في قدرة نحط زيت بصلة مرحية و معاها حبة لفت مرحية رايحة تطلق بنة و تجي لمرقة ثقيلة والدجاج ونخلي هداك الدجاج والتوابل ونخليهم يتشحو باش الدجاج يمتص هاديك البنة

نضيف حميصة واللفت نزيد نخليهم يتقلاو شوية امبعد نمرق بالماء الساخن ونخليه يغلي

في كسكاس نحط الرشتة اللي نكون حليتها بشوية زيت و نحطها فوق القدرة اللي فيها المرقة

كي تفور نحيها و نديرلها شوية ملح و نرشها غير بشوية ماشي كيما اي مثل الطعام حتى ونخليها تشرب خطرة على خطرة نقلبها باش كامل الرشتة تشرب

نزيد نحطها تفور كي تكمل نحيها ونديرلها مغرف زبدة و نغطيها حتى تطيب اي تستوي المرقة اما الدجاج كي يطيب نحيه مالمرقة و حمريه في شوية زبدة وزيت تقدم مع رشة قرفة و بصحتكم.