نحضر العجينة أول شيء. نخلط النواشف مع بعض فارينة سميد و الملح ثم نبدا نرمل فيهم بالسمن و الزيت حتى يتشبعوا من المادة الدهنية ثم نجمع العجينة بالحليب على رؤوس الأصابع فقط. نغطييها و نخلييها ترتاح

في هاد الأثناء نحضر الغرس الي سبقلي و نقيته نعجنه بشوية زيت و نضيفله جلجلانية محمصة و ممكن جوز مدشش

نقسم العجين على اثنين و نشكلهم دواءر زي الخبزة. و نشكل الغرس بنفس الطريقة
نحط طبقة من العجين فوقها الغرس و نزيد نغطيها بالعجين

نحاول نعدلها بالحلال حتى تاخذ مستوى واحد ثم نقطعها مقرودات

نطيبوها في طاجين تاع الحديد نحاول نعطيوها لون ذهبي و صحة و عافية على قلبكم