الكشرى المصرى
#فخر_العرب كشرى- مكرونه - عدس بجبه - صلصله طماطم - دقة كشرى - حمص - بصل
الكشرى المصرى
#فخر_العرب كشرى- مكرونه - عدس بجبه - صلصله طماطم - دقة كشرى - حمص - بصل
إفتح في تطبيق كوكبادالخطوات
- 1
نبداء بتحضير الكشرى ، بنقع العدس لمدة ساعتين فى ميه بعدين نصفيه
- 2
فى حله متوسطه نضع نصفها مياه و اول ما تغلى نحط العدس لحد السوى
- 3
نغسل الارز و نحطه على العدس أول ما يبداء يستوى
- 4
لازم المياه تبقى مغطيه الارز لو زياده ننقصها يدوبك تغطى العدس و الارز و لو نقصه نزود مياه مغليه و نحط الملح
- 5
اول مايتشرب الارز المياه نوطى النار لحد مايستوى
- 6
المكرونه تتسلق بالطريقه العاديه نغلى مياه و اول ما تغلى نحط المكرونه و ونقلبها لحد ما تستوى
- 7
اول ما تستوى المكرونه نحط الملح و الفلفل و نطفى عليها نصفى الميه
- 8
لصوص الطماطم: نحط الزيت و التوم و أول ما يتحمر التوم نحط الطماطم بعد ما نكون ضربنها فى الكبه
- 9
نحط على الطماطم الملح و الفلفل و نوطى عليها لحد ما تتسبك و نطفى عليها
- 10
الحمص: فى اناء نغلى مياه و نحط الحمص اول ما المياه تغلى لحد ما يستوى
- 11
الدقه : نخلط المكونات كلها فى برطمان زجاج و نقفله قبل الاكل بساعه على الاقل و نفتحها ساعة الاكل
- 12
البصل: نحط البصل فى الكبه و نسخن الزيت بعدين نقلى البصل اول مايغمق البصل نشيله قبل مايتحرق
- 13
بعد ما نخلص قلى البصل نحط زيت البصل ده على الارز و العدس
- 14
ملحوظه: ممكن بدلاً من اننا نحط زيت البصل على الارز نشوح شرحتين بصل من التقليه فى شوية زيت بعدين نحط الارز و العدس و المياه مع بعض و اول ماتتشرب نوطى عليها لحد السواء
- 15
بالهنا و الشفا
جرّبت هذه الوصفة؟ شارك كوكسناب!
دع الطبّاخ Lobna Osman يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات